Eling-Eling Siro Menungso Tertulis Dalam Buku al-Marhum KH. 'Ali Maksum Krapyak Yogyakarta Dan Pernah dilantunkan Oleh Beliau (Rohimahulloh)

----------------------------------

Eling-Eling Siro Menungso

By admin – August 2, 2011Posted in: Artikel, Karya

Catatan sya'ir ini saya dapatkan di antara buku-buku almarhum KH. Ali Maksum. Saya tidak yakin beliau adalah penyusunnya, meskipun di atas catatan itu ada nama beliau. Barangkali beliau sekedar mengubah beberapa bagian-bagiannya. Saya hanya tahu beliau sendiri beberapa kali melantunkannya. Yang penting ajarannya baik dan enak dibaca, hehe. Syair ini biasanya saya baca bersama anak-anak santri sebelum mengaji di bulan Ramadlan. Monggo, silakan dinikmati.

Eling-eling siro manungso
Nemenono nggonmu ngaji
Mumpung durung katekanan
Malaikat juru pati

Awak-awak wangsulono
Pitakonku marang siro
Seko ngendi siro iku
Menyang ngendi tujuanmu

Kulo gesang tanpo nyono
Kulo mboten gadah sejo
Mung kersane Kang Kuwoso
Gesang kulo mung sak dermo

Gesang kulo sak meniko
Inggih wonten ngalam dunyo
Dunyo ngalam kerameyan
Isine apus-apusan

Yen sampun dumugi mongso
Nuli sowan Kang Kuwoso
Siang ndalu sinten nyono
Jer manungso mung sak dermo

###

Urip donyo ora suwe
Bakal ngalih panggonane
Akherat nggon sejatine
Mung ngamal becik sanguine

Sowanmu mring pangeranmu
Sopo kang dadi kancamu
Sarto opo gegawanmu
Kang nylametake mring awakmu

Kulo sowan maring pangeran
Kulo ijen tanpo rowang
Tanpo sanak tanpo kadang
Bondo kulo katilaran

Yen manungso sampun pejah
Uwal saking griyo sawah
Najan nangis anak simah
Nanging kempal mboten betah

Senajan bebondo-bondo
Morine mung sarung ombo
Anak bojo moro tuwo
Yen wis ngurug banjur lungo

Yen urip tan kabeneran
Bondo kang sapirang-pirang
Ditinggal dinggo rebutan
Anake podo keleleran

###

اللهـــمَّ صـــــلِّ على  #  محمدْ شَــــافِعِ الأَناَمْ
وآلـــــــــــه وصحبِــــه  #  وَسَلِّـمْ عَلَى الدَّوَامِ

Yen sowan Kang Moho Agung
Ojo susah ojo bingung
Janji ridlone pengeran
Udinen nganggo ngamal

Ngamal soleh ora mung siji
Dasare waton ngabekti
nDerek marang Kanjeng Nabi
Muhammad Rasulullahi

mBangun turut ing wong tuwo
Sarto becik maring tonggo
Welaso sak podo-podo
Mulango marang ing popo-popo

Yen ngendiko ngati-ati
Ojo waton angger muni
Raqib-‘Atid kang nulisi
Gusti Allah Kang Ngadili

###

لا إلـــــــــه إلا الله  #  لا إلـــــــــه إلا الله
لا إلـــــــــه إلا الله  #  محمدٌ رسولُ الله

Ojo dumeh sugih bondo
Yen pangeran paring loro
Bondo akeh tanpo guno
Dokter mung ngereko doyo

Mulo mumpung siro sugih
Tanjakno jo wigah-wigih
Darmo jo ndadak ditagih
Tetulung jo pilih-pilih

Mumpung siro isih waras
Ngibadaho kanti ikhlas
Yen leloro lagi teko
Sanakmu mung biso dungo

Mumpung siro isih gagah
Mempengo nyengkut jo wegah
Mongko siro yen wus pikun
Ora nelongso karo getun

Mulo konco do elingo
Uripmu sing ngati-ati
Mung sepisan ono dunyo
Yen wus mati ora bali

Gusti Allah wus nyawisi
Islam agomo sejati
Tatanan kang anyukupi
Lahir batin amumpuni

Kitab Qur’an kang sampurno
Tindak Nabi kang pertelo
Sinaunen kang pramono
Sing sregep lan ojo ndleyo

Duh Allah Kang Moho Agung
Mugi paduko maringi
Ngibadah kelawan pitulung
Mergi leres kang mungkasi

Amin Amin Amin Amin
Ya Allah Rabbal ‘Alamin
Mugi Paduko ngabulno
Sedoyo penyuwun kulo

Oleh H. Hilmy Muhammad
Pengasuh Pondok Pesantren Krapyak
sumber:http://krapyak.org/2011/08/02/eling-eling-siro-menungso/